أي كلام في أي حته في أي ركن، المهم تعيش والحياه حلوه والعب ياريس، ده احنا هنشوف في ال24 ساعه دي عجب العجااااااااااب أه والله ، هتلاقي سميره وباكينام وفتحيه ووائل وسيد وأنا وانت، كله باللفه والهديه ماشي، ولابس الحته اللي على الحبل.... أي كلام .... ده غير الحديقه الدوليه واللي بيحصل فيها وعجبييييي....المهم بقى سيبك من الناس دي ونروح على محلات الهدايا.... موسم يابا موسم، أي لفه في أي قفص فراخ بقى ولا عصافير كله بيمشي مع الدبدوووب وياسلام بقى لو جبت شوكلاته علشان تبقى شاب جينتل... وكع وادفع ياريس و ادفع يازبون (أو زبونه) مش فارقه.. المهم انك تفرح وهي تفرح وصاحب المحل يضحك عليكوا ههههه....
برضه مش مشكله الحياه حلوه يعني ...أنا بصراحه اللي أعرفه ان أي 2 بيحبوا بعض بجد مش بيهتموا بالفالنتين ده وأنا من الناس دي وكنت هشوفوا يوم عادي لولا بس ان عيد ميلادي 14-2 ... ناس بتقول اني محظوظ وأنا بحس ان الناس كلها بتحتفل بيا:D ،،،موضوع بقى الفالنتين ده جيه ازاي... سمعت مره كده ان كان فيه قريه ماعرفش قتلوه فيها واحد كان بيحب أميرة القريه دي فعملوا مظاهره ساعتها وكان اليوم ده يوه 14-2 فعملوه عيد الحب.
Happy valentine طيب للناس اللي بتحب اليوم ده ومانجلكوش في حاجه وحشه
هناك تعليقان (2):
هو ده الكلام يا أحمد :))) أنا مش عارفه بجد البنات اللي بسوفها لابسه أحمر دي ليه يعني وليه الدباديب وليه الهبل ده كله
ماهي الحياه حلوه وكلها حب اشمعنى اليوم ده :)
كل سنه وانت طيب بمناسبة عيد ميلادك بقى اللي بجد الناس كلها بتحتفل بيه وبتلبس علشان خاطرك أحمر ... جيت للدنيا تنشر االدباديب بين الناس يعني :)
على فكره حلو أوي الاسلوب اللي بتكتب بيه بجد(Y)
ههههههه
ضحكتنى
فكرتنى انهاردة وانا راجع من برة
كنت فى المترو
الناس مترصصة
كل واحد وواحدة شايلين اما علبة حمرا
او دبدوب
وانا بحقد
اهئ اهئ
سعدت بزيارة مدونتك
احمد
إرسال تعليق